كنيسة مارجرجس قليوب البلد

كنيسة مارجرجس قليوب البلد


 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 المياة المسروقة حلوة و خبز الخفية لذيذ (ام 17:9)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
pishoy girgis
VIP
VIP


ذكر
عدد الرسائل : 587
العمر : 30
البلد : القاهره - مصر
الهوايات : الكمبيوتر
تاريخ التسجيل : 09/01/2008

مُساهمةموضوع: المياة المسروقة حلوة و خبز الخفية لذيذ (ام 17:9)   الجمعة 22 فبراير 2008, 4:09 pm

"المياة
المسروقة حلوة و خبز الخفية لذيذ. و لا يعلم ان الاخيله (الموتى) هناك و ان فى
اعماق الهاوية ضيوفها"
(ام 17:9)


"بدء
الحكمة مخافة الرب و معرفة القدوس فهم". (ام 10:9)






احبائى





الخير و الشر


لله خلقنا و جوانا ضمير يميز الخير من الشر. يعنى حتى
الذين بلا ناموس هم ناموس لأنفسهم ليه؟ لأن الضمير يقلق و يضطرب من الشر و يشعر
بسلام من الخير. آدم لما عصا الله اختبئ من وجهه"سمعت صوتك فى الجنه فخشيت
لأنى عريان فإختبأت" (تك10:3) و كذلك قايين لما قتل اخيه قال"ذنبى
اعظم من ان يُحتمل..ومن وجهك اختفى" (تك4). تفتكروا الواحد يقدر يهرب
من الله اللى عيناه تخترقان استار الظلام. داود اعلن كدا وقال "رأت عيناك اعضائي وفي سفرك كلها كتبت
يوم تصورت اذ لم يكن واحد منها (مز16:139) في كل مكان عينا الرب مراقبتين الطالحين
والصالحين(ام15:3) الله فاحص القلب و مختبر الكلى". وليس خليقة غير ظاهرة
قدامه بل كل شيء عريان ومكشوف لعيني ذلك الذي معه امرنا" (عب13:4) " انا
الرب فاحص القلب مختبر الكلى لاعطي كل واحد حسب طرقه حسب ثمر اعماله"
(ار10:17)





عيون الرب


وانت بتعمل
الشر افتكر دايما ان كان كل الناس مش شايفاك لازم هيكون الرب شايفك. ومش مهم قوى
ان الناس تكون مش شايفاك لكن خاف الله اللى قال انه له السلطان ان يلقى فى جهنم
النار الابدية. اقولك من دا خاف. اوع تفتكر ان الرب لأنه صابر عليك انه
موافق علي خطاياك. لا يا حبيبى بس افتكر دايما انه طويل الاناة جدا فهو لا يتباطئ الرب عن
وعده كما يحسب قوم التباطؤ لكنه يتأنى علينا و هو لا يشاء ان يهلك أُناس بل ان
يقبل الجميع الى التوبه. لكنه سيأتى كلص. فخلى بالك. هو متأنى صحيح لكن جاى جاى ما
فيش ادنى شك. ولازم هيجازى اللى عملوا له حساب واللى تجاهلوا وجوده.






كن امينا


واوع تسمى الخطايا بأسماء تانية و تخدر نفسك و تحط رأسك
فى الرمل و كأن الصياد مش موجود ليقتنصك. لكن كون امين مع نفسك علشان تستجلب لنفسك
مراحم الله. مين مش محتاج ربنا يرحمة و ينظر اليه. اوع لنفسك و اصح لروحك و اتضع
تحت ايد الله العاليه لتستحق رحمته. لأن الله يكره المستكبرين لكن المتواضعين
يعطيهم نعمة (فرصة).






الغواية


"إذا اغواك سراً اخوك ابن امك او ابنك او ابنتك او
امرأة حضنك او صاحبك الذى مثل نفسك ..فلا ترض منه و لا تسمع له" (تث13)عاوزه
احذرك من صاحبك اللى بيحرضك تجرب اى شئ و انت عارف انه غلط سواء زنى او سرقه او
مخدرات او افلام شريره او او... الخطايا كتير لكن بدون شك انت تقدر تميز
الخير من الشر.
اوع تجرب لأنه فخ اول ما تدخل فيه مش
هتقدر تخرج منه تانى
. اوع لنفسك هى نفس واحده وحياة واحدة تعيشها فى مخافة
الله ليكون لك حياة ابدية. الراجل القوى و المرأة القويه اللى يقدر يقول
لا للشر مش اللى يجرب.
احترز !!! الرب فى القديم كان يرجم مثل هذا المغوى و لم تشفق له عين لترحمة او
تعطية فرصة اخرى.






مخافة الرب


الرب هيباركك فقط ان بذلت المجهود انك تعيش فى مخافة
اسمه مش خوف منه لكن احترام لمكانته و مهابته ووجودة.
"ولكن بدون ايمان لا يمكن ارضاؤه لانه يجب ان الذي يأتي الى الله يؤمن بانه موجود وانه
يجازي الذين يطلبونه
" (عب11:6) و الرب كمان مش عاوز عبادة فرض او واجب
تعملها بسرعه علشان تخلص من تقلها على قلبك "لأنك لم تعبد الرب إلهك
بفرح و بطيبة قلب .."(تث28) الرب عاوزك تفرح
بيه و بالفرصه و الوقت اللى هتتقابل فيها معاه يعنى تشتاق عليه و تتمنى الوقت ييجى
اللى تكون واقف قدامه زى ما هو فرحان بيك و يأكد لك ان لذته فيك "لذتى مع بنى
آدم". الله كمان اب مش بس رب لذلك فهو يحتاج ان يشعر انك تحترمه
و تهتم به"الإبن يكرم أباه و العبد يكرم سيده. فإن كنت أنا أباً فأين كرامتى
و إن كنت سيداًفأين هيبتى قال لكم رب الجنود ايها المحتقرون إسمى. و
تقولون بم إحتقرنا إسمك
." (ملاخى 1:6) انك تتجاهل وجودة و تعمل الشر مع
سبق سبق الاصرار و الترصد - الترجمه الوحيده عند ربنا لدا انك بتحتقره و
بتتجاهل وجوده. حاشا!!! "من ليس معى فهو على و من لا يجمع معى فهو يفرق"
(لو23:11) "لا يقدر خادم ان
يخدم سيدين . لانه اما ان يبغض الواحد ويحب الآخر او يلازم الواحد ويحتقر الآخر . لا تقدرون ان تخدموا الله
والمال" (لو16:13) الله اعلن فكره فى هذه
الكلمات فخلى بالك قوى لتلاقى نفسك بتتجاهل الله او بعد الشر بتحتقره بحسب فكره!!!






مازال يحبك و ينتظرك


الرب ابتدأ بالمحبة هو قدم اولاً. هو احبك رغم انه
عارف خطاياك "احبنا اولا و احبنا فضلا" اى تفضل علينا و احبنا مش لصلاح
فينا و لا بر قدمناه لكن من اجل اسمه و من اجل نفسه احبنا. اقل واجب فى المقابل
انك تتعرف عليه بحق و حقيق فتختبر محبته غير محبة كل الخلق لأنه مازال متيح لك
فرصه و مازال يحبك و مازال ينتظرك و مارماش طوبتك زى يمكن ناس كتير. ارجوك
النهارده تتعرف عليه و لما تتعرف عليه اثق انك تحبه و لما تحبه لازم هتحاول تعيش
ترضيه و لما تبتدى تعمل كدا "..ورجعت الى الرب إلهك و سمعت لصوته حسب كل ما
انا اوصيك به اليوم انت و بنوك
بكل قلبك و بكل نفسك ..يعود يرحمك..و
يحسن اليك..و يختن الرب إلهك قلبك و قلب نسلك لكى تحب الرب إلهك من كل قلبك ومن كل
نفسك لتحيا
" اى هيسكب محبته فى قلبك
بالروح القدس مش المحبة اللى اتولدت بيها لربنا او اللى علمها لك اهلك لكن محبة
خاصة من قلبه لقلبك لكى تستطيع ان ترضية فى كل طرقك. لأنه لا بالقوة و لا بالقدرة
بل بروحى قال رب الجنود" لئلا يكون فيكم رجل او إمرأة قلبة اليوم منصرف عن
الرب إلهنا "(تث29)






يسوع هو الطريق فإختاره لتحيا


"قفوا على الطرق و انظروا و إسألوا عن السبل
القديمة اين هو الطريق الصالح ( يسوع ) و سيروا فيه فتجدوا راحة لنفوسكم" (إر
16:6) "إرجعوا كل واحد عن طريقه الردئ و اصلحوا طرقكم و اعمالكم..ولا تغيظونى
بعمل ايديكم فلا اسئ اليكم" (ار 11:18) "وتطلبوننى فتجدوننى اذ تطلبوننى
بكل قلبكم. فأوجد لكم" (إر 29) "أشهد عليكم اليوم السماء و الارض.
قد جعلت قدامك الحيوة و الموت. البركة و اللعنة.
فإختر الحيوة لكى تحيا
انت و نسلك. إذ تحب الرب إلهك و تسمع لصوته و تلتصق به لأنه هو حياتك."(تث19:30)
إن كنت حكيماً فأنت حكيم لنفسك وإن استهزأت فأنت وحدك تتحمل.(ام12:9)






عايزة
اعيش فى مخافة اسمك دا سلامى فى خضوعى اليك



و يشوف
فىَ العالم رسمك لما انظر يا يسوع بعنيك



انت
الصفقه الرابحة فى عمرى انت المنفعة تحت الشمس



حقك وحدك
تستخدمنى و لغيرك ممنوع اللمس



طهر كل
خزاين قلبى اعن يا سيد ضعف ايمانى



خلينى
ابقى امين فى عبادتى و اخلق فىَ شخص روحانى



دخلنى
لأعماق الشركة انت صديق منتصف الليل



متعنى
بفيضان البركة حبك غمر و عطفك سيل



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://pishooo.4shared.com
 
المياة المسروقة حلوة و خبز الخفية لذيذ (ام 17:9)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كنيسة مارجرجس قليوب البلد :: منتدى غذاء الروح :: قصص مفيدة-
انتقل الى: