كنيسة مارجرجس قليوب البلد

كنيسة مارجرجس قليوب البلد


 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 فيه أسئلة بديهية مالهاش اي لزمة في الدنيا ديه شويه منها !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
pishoy girgis
VIP
VIP
avatar

ذكر
عدد الرسائل : 587
العمر : 31
البلد : القاهره - مصر
الهوايات : الكمبيوتر
تاريخ التسجيل : 09/01/2008

مُساهمةموضوع: فيه أسئلة بديهية مالهاش اي لزمة في الدنيا ديه شويه منها !!   الخميس 21 فبراير 2008, 7:43 pm

إنت
في أوضتك .. على السرير وطافي النور ومتغطي
ييجي أخوك
الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش
وضع الرقص !!! واضح ان انا هنام ))



***********

انتم معزومين
عند ناس ورحتو لبيتهم وأول ما فتحولكوا الباب يقول ابنهم الصغير: انتوا
جيتــواااااااااااااااا ؟

(( لا لسه ))

***********

والعكس
: انت لابس هدومك و متأنتك و على سنجة عشرة وريحة البارفان واصله لاخر الشارع ..
وخلاص
بتفتح
باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع
))



***********

أو مثلا راكب
العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل
ذوق تفتح الزجاج وتقوله : خير في حاجة؟
يقولك : انت
رايح الشغل يابيه ؟

(( لا.. العربية
واحشاني ))



***********

مثلا
ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في
التليفون ؟


(( لا..
بتفرّج عليه
))



***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه
حد وقالك: هاه.. قاعد تذاكر ؟


(( تقوم
رامي الكتاب و تقوله لااااااااء
))



***********

ربنا
هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه
انت بتسبح ؟

(( لاء..
هفرطها و أسلقها
))



***********

ولاّ تعالــو
شوفو قنواتنا واسئلتهم البديهية البايخة
برنامج اهداءات
يتصل واحد يطلب أغنيه
ترد عليه ست
الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها
اخنق على نفسي ))



***********

أو
مثلا في العيد

المذيع
: هههههه هههههههه هههههه نتعرّف بيك
المواطن
: فلان الفلاني
المذيع
:هههههه هههههه هههههه بتقول ايهللأهل ههه و صحابك ههه وقرابيك هههه و للناس اللي انت مخاصمهم كمان
؟ هههههه هههههه ههههههه

المواطن
: أقولهم كل عام وأنتم بخير

(( أكيد
يعني مش هيقولهم البقاء لله
))

***********

,,,المذيعة
الظريفـة : وياترى بقى هتعملوا ايه العيد ده هتقضوه ازاي ؟
أكيدبيبقى زيارات الأهل و الصحاب و تخرجوا تشوفوا مظاهر
العيد في الشوارع وتفسحوا أولادكم ونتصل بالمعارف نعيّد
عليهم و نقولهم كل سنة و انتو طيبين

(( سبتيله ايه
يقوله يارخمة ؟ ))



***********

والأسخف
بقى ... الشلل الكبير.. لما المذيعين يكلّموا الاطفال
يقول
المذيع للطفل : إنت بتحب ماما وبابا ؟

(( يعني
أساسي الواد لسه ما طلعلوش عرق الندالة علشان يقول لأ ))


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://pishooo.4shared.com
 
فيه أسئلة بديهية مالهاش اي لزمة في الدنيا ديه شويه منها !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كنيسة مارجرجس قليوب البلد :: منتدى الفكاهة والضحك :: النكت-
انتقل الى: