كنيسة مارجرجس قليوب البلد

كنيسة مارجرجس قليوب البلد


 
الرئيسيةاليوميةمكتبة الصورس .و .جبحـثالتسجيلدخول

شاطر | 
 

 أكلات صيامى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
admin
المدير العام
المدير العام


ذكر
عدد الرسائل : 286
العمر : 29
البلد : قليوب البلد
الهوايات : السباحه و كمال الأجسام
الوظيفة : Designer Program
احترامك لقوانين المنتدى :
إسم شفيعك : Mar-Girgis & Ava Kerilos
إسم كنيستك : مارجرجس قليوب
بلدى :
تاريخ التسجيل : 21/12/2007

مُساهمةموضوع: أكلات صيامى   الثلاثاء 19 فبراير 2008, 4:09 pm




مكرونه بالصلصه و الزيتون والفلفل و المشروم

اولا : اسلقى المكرونه وبعدين صفيها واشطفيها
ثانيا: اضربى طماطم فى الخلاط وبعدين صفيها كويس
قطعى زيتون اسود قطع صغيره وفلفل قطع صغيره وبصل و مشروم
ثالثا :ضعى حوالى مقدار 4 معالق زيت فى حله
ثم شوحى البصل لحد ما تحسى انه دبل ثم ضعى الفلفل وبعدين الزيتون و المشروم فى الاخر يتشوحوا كلهم مع بعض ضعى ملح حسب الطلب وفلفل أسود علشان يديها طعم ونكهه لكن مش كتير
رابعا : ضعى الصلصله عليهم بعد التشويح وسيبيها تغلى كويس اوى لحد ما تحسى انها تقلت وبعدين تقدميها على المكرونه

ــــــــــــــــــــــــــــــــــــــــــــــــــــــ
بسبوسه صيامى

المقادير: 3 كوب دقيق سمادينا
1 ونص كوب سكر
2 معلقه صغيره بيكنج بورد
4 معلقه كبيره زيت
1 ونص كوب عصير برتقال

الطريقه
نضع دقيق السمادينا على السكر على البيكنج بودر ونضيف الزيت ثم عصير برتقال ونضربهم جيدا
وندهن الصينه زيت وتكون الصينيه متوسطه ونضع الخليط ونحطها فى الفرن درجه حرارته متوسطه

الشراب:

2كوب سكر
1كوب ماء
1 معلقه كبيره عصير ليمون

ــــــــــــــــــــــــــــــــــــــــــــــــــــــ

سلطة القرنبيط

المقادير
ثمرة قرنبيط صغيرة
2 حزمة بقدونس
6 فصوص توم
جزرة صفراء كبيرة
ثمرة فلفل رومى
قليل من الملح
1 ملعقه صغيرة كمون ناعم
1/4 معلقه صغيرة شطة
1 ليمونه
2 معلقة طحينه
الطريقة:
تنظف القرنبيطه و تقشر العيدان و تسلق فى ماء مغلى بالملح و الكمون
يصفى القرنبيط من الماء جيدا ثم يهرس
يضاف أليه الملح و الكمون و الشطه و الثوم المدقوق و البقدونس المفرى ( او مقطع قطع صغيره )
اضافة عصير الليمون و بشر الجزرة و بشر الفلفل الرومى
يتم عمل الطحينه و أضافتها للخليط السابق و تقليب الخليط
يغرف فى طبق و يقدم باردا

رز بالبهارات و اللوز و ممكن يتعمل مع اكل صيامى او فطارى
المقادير:
كوب و نص رز بسماتى
+ 3 معلقه زيت vegetable or canola oil
+ حوالى 50 جرام لوز (مايكونش متحمص و يكون متقطع شرايح رقيقه. بيقولوا عليه هنا slivered almonds)
+ بصلتين حجم متوسط halved then thinly sliced يعنى يكونوا متقطعين على شكل هلال صغنن و رقيق
+ فصين توم كبار مفرومين
+ حتة جنزبيل ginger طولها حوالى 5سم متقشره و مبشوره
+ معلقة و نص صغيره قرفه (teaspoon)
+ ربع معلقه cardamom (متهيألي ده حبهان مش كده؟)
+ 6 حبات قرنفل 6 whole cloves
+ ربع معلقه شطه لو تحبوا. انا شخصيا مش باحطه لو الاكل لينا احنا بش لأنى مش بحب الشطه.
+ 2 كبايه شوربة خضار (باعملها انا بمكعبات هنا اسمها فيجيتا. او ممكن تستعملوا ميه بس. لو فطارى يجنن بشوربة الفراخ)
+ نص كباية لبن جوزة الهند coconut milk
+ حوالى نص كبايه currants (زى الزبيب بس صغنون اوى و طعمه جميل)
+ كسبره خضرا chopped
الطريقه:
+ الرز يتغسل بميه بارده لغاية ما الميه تنزل منه clear
+ سخنى 2 معلقه زيت على نار متوسطه و حمرى اللوز لغاية لونه ما يتغير (حوالى 3-4 دقايق)
+ شيلي اللوز من الزيت بمعلقه slotted و سيبيه على ورق يمتص الزيت الزياده على جنب
+ حطى معلقة الزيت التالته فى الحله مع بقايا الزيت اللي حمرتي فيه اللوز و لما يسخنوا تانى حطى البصل و على التار سنه و سيبيه 10 دقايق مع التقليب لغاية ما يبقي سوفت و لونه golden
+ وطى النار خالص و حطى التوم و الجنزبيل و القرفه و الcardamom و القرنفل ( و الشطه لو هتستعمليها) و قلبي كل الشغلانه دى دقيقتين كده
هتلاقوا ريحه تخبل طالعه من الحله!!! بموت فيها!!!

+ دلوقت حطى الرز المغسول المتصفى ع الخلطه اللي فى الحله و قلبي على نار متوسطه لغاية ما الرز يختلط بالهيصه اللي فى الحله و يتغطى بيها تمام! حوالي كده 2-3 دقايق

+ حطى الشوربه او الميه و بعدين لبن جوزة الهند و شويه ملح و فلفل و قلبى

+ على النار لغاية ما يبتدى يغلى و بعدين وطى خاااالص....النار مش انتى.... و غطى الحله و سيبيه 10-15 دقيقه لغاية ما يشرب الميه
+ شيلي من ع النار و شيلي الغطاء و حطى الcurrants و غطى تانى لمدة 5 دقايق.
+ شيلي الغطا تانى و حطى الكسبره الخضرا و قلبي بشوكه عشان الرز ما يلزقش فبعضه.
+ لما تيجى تقدميه حطى اللوز ع الوش.

فى الصيام بيبقي رائع مع مسقعه!
و فى الفطار باعمل معاه ضانى cutlets متحيأه بلمون و زيت زتون و توم و كمون...و مشويه او متحمره فشوية زيت صغننين خالص.

كباب حله صيامى او شاورمة
المقادير
- 1 نص كيلو ماشروم مقطع قطع صغيره
- 2 ربع كيلوفلفل( اخضر واصفر واحمر كل الالوان اللي تلاقوها الفلفل بيدي طعم حلو وشكل كويس)
3 - شوية ملح
- 4 فلفل اسود
5 - بهارات ( بتخليها طعمها يهوس)
6 - بصله متوسطه الحجم وتكون متقطعه كويس
- 7 زيت
8 - ميه حسب الحاجه يفضل كوب ونصف


طريقة العمل
طبعا نغلي الزيت ونشوح فيه البصله لغاية لما لونها يبقى دهبي نحط الماشروم المقطع ونقلبه شويتين ونحط ملح
وبعدين نحط الفلفل المتقطع حلقات ونحط شوية ملح مع الفلفل الاسود والبهارات
وبعدين نقلبهم شويه لغاية لما الفلفل يدبل وبعدين نزود الميه ونسيبه شويه لغاية لما يستوي

ــــــــــــــــــــــــــــــــــــــــــــــــــــــ

كفتة بطـــــــــاطس
المكونات:
بطاطس مسلوقة ومقشرة
بقسماط
دقيق
ملح
مكونات الحشو:
صنوبر
زيت زيتون
بصل
زبيب
بقدونس مفروم
شبت مفروم
الطريقة:
يهرس البطاطس جيداً، ثم يضاف إليه القليل من الملح والدقيق، ويخلط.
يحمص الصنوبر بقليل من زيت الزيتون، ويضاف البصل ويقلب.
يضاف الزبيب والقليل من البقدونس والشبت، ويقلب.
يحشى البطاطس بحشو الصنوبر والزبيب، ثم يشكل على شكل أقراص دائرية مفلطحة، وتقلى بالزيت.
تقدم مع خضار سوتيه
و لو حد بيحب المشروم و مراتة بتحتهوله فى كل الاكل ممكن كمان الكفتة دى تتحشى بالمشروم و يكون متشوح مع البصل فى شوية زيت

و عندك كمان اكلة تانية بالمشروم بردو
المقادير
1 علبة جلاش
ربع كيلو مشروم مقطع
ب 2 جنيه زيتون اسود مخلل
بصله مقطعه قطع صغيره
زيت و فلفل اسود
ملح
مكعب مرقة خضار
2 كباية ميه

الطريقه
اولا طريقة تحضير الحشو
يوضع الزيت على النار حتى يغلي ويضاف اليه البصله المقطعه وتقلب نص دقيقه على نار عاديه
ويضاف المشروم المقطع ونجعل النار هادئه ونضيف الفلفل الاسود ونقلب الخليط حتى يصبح البصل اصفر زهبي محمر
ونشيل الحشو من على النار ونضع عليه شرائح الزيتون الاسود

ثانيا طريقة الشربه
نضع قليل من الزيت والميه يغلو ونضيف مكعب المرقه والملح نقلب ونتركهم يغلو سويا لدقيقتين

ثالثا التقفيل
ندهن الصينيه بالزيت ونضع شريحتين جلاش وندهن زيت وهكذا
لغاية ما يكون ارتفاع الجلاش تقريبا 1.5 سم تقريبا
ونضع الحشو ونفرده في الصينيه
ونضع شريحتين جلاش وعليهم زيت وهكذا كمان 1 سم تقريبا

ونقطع الجلاش في الصينيه مربعات

ونضعهم في الفرن لغاية لما وش الجلاش يصفر شويه ويبقى دهبي كده
نخرج الجلاش من الفرن
ونضيف اليه الشوربه
ملحوظه يجب ان تكون الشوربه بارده والجلاش سخن

ــــــــــــــــــــــــــــــــــــــــــــــــــــــ

شوربة الأرز وعيش الغراب

المقادير::
1 كوب أرز.
٢ ملعقة كبيرة زيت أو زبدة
٢ فص كبير ثوم، مهروس
٢ عود بصل أخضر، شرائح
12 قطعة عيش الغراب ( ماشروم )
4 كوب مرق خضروات
¼ ملعقة صغيرة فلفل أسود
١ ملعقة صغيرة ملح
٢ ملعقة كبيرة بقدونس ، مفروم

الطريقة:
1- يتم غسل الأرز جيدا، ثم ينقع في ماء مملح من ٢۰-٢٥ دقيقة
2- يسخن الزيت في وعاء متوسط، ثم يضاف الثوم والبصل، يوضع على نار متوسطة الى ان يصبح ذهبي اللون.
3- يضاف عيش الغراب ، ثم يقلب لمدة دقيقة.
4- يضاف الأرز، المرق، الفلفل، الملح، و يترك الخليط يغلي.
5- خففي النار، اتركي القدر على النار بدون تغطية ١۰-١٥ دقيقة الى أن ينضج الأرز.
6- يوزع البقدونس على الشوربة وتقدم ساخنة

ــــــــــــــــــــــــــــــــــــــــــــــــــــــ

جلاش بالخضار

المقادير:
2/1 كجم جلاش او ورق بقلاوه
2 ملعقة كبيرة كريما او كوفي ميت -
250جم مشروم- بصلة كبيرة مقطعة حلقات- حبتين فلفل رومي- حبتين طماطم - زيتون اسود او اخضر حسب الرغبة-
2/1 كوب سمن نباتي اي نوع.

الطريقة:
لتحضير الحشوة:
1-شوحي البصل والمشروم والفلفل علي النار لمدة 5دقائق.
2- قطعي الطماطم حلقات واخلي الزيتون من النوي وقطعيه دواير.
طريقة العمل:
1- افردي ورقات الجلاش (نصف الكمية) في صينية الفرن مع رش ملعقةسمن بين كل 3ورقات ثم ضعي حشوة الخضار مع اضافة الطماطم الحلقات والزيتون.
2- كملي رص نصف الجلاش الباقي بنفس الطريقة السابقة.
3- قطعي الجلاش الى قطع مربعة.
4- ذوبي الكريمر في كوب ماء دافيء مع اضافة قليل من الملح والفلفل واسكبيه على صينية الجلاش واتركيه 10دقائق ثم دخليه فرن حار الي ان ينضج




_________________



†††تشدد وتشجع ، لا ترهب ولا ترتعب لأ الرب إلهك معك حيثما تذهب "يشوع 1 : 9"†††



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter
عضو ماسى
عضو ماسى


ذكر
عدد الرسائل : 116
العمر : 28
البلد : مصر
الهوايات : الشطرنج
تاريخ التسجيل : 18/01/2008

مُساهمةموضوع: رد: أكلات صيامى   الأربعاء 26 مارس 2008, 7:58 pm

الله يخليك لينا يا جون bounce
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أكلات صيامى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كنيسة مارجرجس قليوب البلد :: منتدى الأسره :: أحلى الأكلات-
انتقل الى: